Tolosaldeko Hitza

Leitzak, Aresok eta Goizuetak guardiako mediku bakarra dute orain

Gizartea ðð Irtenbide bila dabiltza alkateak, baita Aranokoa ere , lau herrirentzat mediku bakarra gutxi baita.

n. garzia

Leitza, Areso, Arano eta Goizueta guardiako mediku bakarrarekin dabiltza eta arazo honen aurrean alkateak irtenbide baten bila dabiltza, Osasunbidearekin bilera bat egin nahian.

«Mediku falta dagoela esan digute. Oso ilun jarri digute, 400 medikutatik ez omen zuen inork etorri nahi, baina guk atzeraka ezin dugu joan», dio Mikel Baraibar Aresoko alkateak. Xabier Zabalo Leitzako alkatearen ustez, «ikusten zen arazo hau heldu zela, eta hori da beraiek hartu duten erabakia, gurekin kontatu gabe. Leitza eta Goizueta arteko errepidea txarra da, ez dakit hortaz haiek ohartzen diren, distantzia txikia izan arren eta gainera ez dago koberturarik».