Tolosaldeko Hitza

2008-07-15 | 18:22:58

San Fermin Torneoa, Barriola eta Xalarentzat

22-19 irabazi zieten herenegun Labrit pilotalekuan Olaizola II.ari eta Belokiri, oso berdinduta joan zen partida batean

Xala eta Barriolak udako lehenengo torneoa irabazi dute, San Fermin Torneoa, hain zuzen ere. Herenegun jokatu zuten norgehiagoka Labrit pilotalekuan, eta Olaizola II.aren eta Belokiren aurka aritu ziren. Partidak 75 minututako iraupena izan zuen eta parekatu xamar joan zen arren, Aspeko bikoteak lortu zuen azkenean garaipena, 22-19ko emaitzarekin. Xala eta Barriola oso gogor hasi ziren, Xala nabarmendu zelarik. Partidan 4 pilotariek maila ona erakutsi zuten eta Aspeko bikotea atzetik zihoala Barriolari esker berdinketa lortu zuten (14-14), aurretik 9-14 galtzen baitzihoazten. Hamaseigarren tantoan ere berdinketa lortu zuteneta hortik aurrera Barriola eta Xala aurretik jarri ziren, finala irabazi arte. Herenegun jokatutako finala eta gero, beraz, Barriolari ezinhobeto joan zaio San Fermin Torneoan, bai banakakoan bai binakakoan txapela lortu baitu.

Ez du erantzunik

2008-07-07 | 15:59:16

Barriola, Lau T'erdiko San Fermin pilota Txapelketako txapeldun

Olaizola II.a 11 tantotan utzi du

Joan den urtean final berdina izan zen baina orduan Barriolak 8 tanto eginda galdu zuen arerio berdinaren kontra.

Ez du erantzunik

2008-06-16 | 11:58:03

Buruz buruko txapela, Bengoetxea VI.arentzat

Abel Barriolari 22-11 irabazi ondoren, buruz buruko lehenengo txapela eskuratu du leitzarrak

Faboritoa Abel Barriola zen arren, atzoko partidako lehenengo tantoetan trabatu egin zen leitzarra eta hortik aurrera ez zitzaion jokoa nahi bezala atera. Bengoetxeak, aldiz, kementsu jokatu zuen eta partida ikaragarria egin zuen.

6 erantzun

2008-06-12 | 11:39:56

Zaldi Eguna bertan behera gelditu da oraingoz eta irailaren 6an ospatuko dute

Garraiolarien grebak erabakia hartzeko orduan eragina izan duen arren, uholdeengatik hartu dute erabakia

Etzi ospatzekoa zen Zaldi Eguna bertan behera gelditu da. Erabakia asteazken iluntzean hartu zuten antolatzaileek eta gaur data berria jarri dute: irailak 6, Talo Egunaren bezpera. Beraz, etzi ospatuko ez den arren, irailean eginen dute.

Ez du erantzunik

2008-06-12 | 11:37:18

Herri afaria eta ongietorria ospatu eginen dira azkenean

Ez du erantzunik

2008-06-09 | 14:31:17

Rekondok Urrezko Aizkora irabazi du 23 urtetik beherakoan

Ugaitz Mugertzari erraz irabazi zion larunbatean leitzarrak Azpeitian

Larunbatean Bakarkako Urrezko Aizkoraren finala jokatu zuten Azpeitian hiru mailetan: urrezko kategorian, 23 urtetik beherakoetan eta 18 urtetik beherakoetan. Nazabalek Larretxeari irabazi zion, Rekondok Mugertzari eta Erasunek Larretxeari.

Erantzun 1

2008-06-03 | 16:07:27

Leitzarren arteko finalerako ez da sarrerarik geratzen

Donostian jokatuko dute finala hilaren 15ean

Hilaren 15ean (igandea) jokatuko dute Oinatz Bengoetxeak eta Abel Barriolak Lehen Mailako Buruz Buruko Txapelketako finala, Donostian -Atano III.ean-, baina dagoeneko ez dago sarrerarik. Gaur goizeko hamarretan jarri dituzte salgai, eta denak amaitu dira orduerdian.

Ez du erantzunik

2008-06-02 | 11:52:54

Bi leitzarren arteko buruz buruko finala

Barriolak 22-8 iorabazi dio Gonzalezi

Buruz buruko pilota txapelketaren finala egun berezia izango da Leitzarentzat. Abel Barriola leitzarrak Sebastian Gonzalezi irabazi ostean, Oinatz Bengoetxea leitzarrarekin lehiatuko da txapelaren bila. Bi leitzar izango dira, beraz, final handian, lehenengo aldia historian hori gertatuko dena. Barriolak oso ondo jokatu zuen finalerdian eta Gonzalezi 22-8 irabazi zion. Azken hau pixka bat errenka aritu zen 14-3aren ondoren.

5 erantzun